Çmimi ARDHJE 2018

 

Finalistët e Çmimit Ardhje 2018 janë: Blerina Muça, Fatlum Doçi, Remijon Pronja dhe Sokol Peçi.

Fituesi i çmimit Ardhje 2018 do të shpallet nga anëtarët e jurisë ndërkombëtare (Barnabás  Bencsik, Anthony Elms dhe Alketa Ramaj) gjatë hapjes së ekspozitës së finalistëve, të kuruar nga Alban Hajdinaj, të premten, më 1 qershor 2018, në orën 19:00, në Galerinë Zeta – Tiranë.

 

BLERINA MUÇA u lind në vitin 1985, në Fier. Studjoi dhe u diplomua në vitin 2008, në Akademinë e Arteve në Tiranë, ku edhe aktualisht jeton e punon. Ndër ekspozitat më të rëndësishme që ka marrë pjesë mund të përmendim: “Çmimi Idromeno”, Galeria e Arteve, Shkodër (2017); “…në një ditë si gjithë të tjerat”, Zeta Galeri, Tiranë (2015); Onufri XVIII. “Piktura e Jetës Moderne”, Galeria Kombëtare e Arteve, Tiranë (2011).

FATLUM DOÇI u lind në vitin 1991, në Shkodër, ku aktualisht jeton dhe punon. Studioi dhe u diplomua në Atelienë e Multimedias, Universiteti i Arteve në Tiranë, në vitin 2015. Ndër ekspozitat ku ka marrë pjesë, mund të përmendim: Bienalen e Humorit dhe Satirës, Gabrovo, Bullgari (2017); Mediterranea 18 – Bienalja e Artistëve të Rinj, Tiranë (2017); “Ngjan si”, Zeta Galeri, Tiranë (2017); “Inside Out”, Tirana Art Lab (2016); Çmimi Idromeno, Galeria e Arteve, Shkodër (2015); arTVision – A Live Art Channel, Qendra M’ARS për Artin Bashkëkohor, Moskë (2015). Në vitin 2015 ai ishte një artist në rezidencë në Rezidencën e Dritës, në Rijekë (Kroaci), organizuar nga JMZM – një duo elektroakustike.

REMIJON PRONJA u lind në vitin 1984, në Tiranë, ku aktualisht jeton dhe punon. Studjoi, në Itali dhe mori MA shkencor në pikture, në Universitetin e Breras, Milano dhe MA shkencor në departamentin e kërkimeve për artin bashkëkohorë në Universitetin e Breras, Milano (2011). Ka realizuar tre ekspozita individuale: “Inno alla Gioia”, Galleria Opere Scelte, Torino (2018); “Untitled in Allegro Moderato”, Zeta Gallery, Tirana (2017), dhe “rex anonymous”, Ku(rz)nthalle Bregenz, Austri (2014). Ka marrë pjesë në një numër ekspozitash në grup, ku mund të veҫojmë:  “Exgratia” Collezione Giuseppe Iannaccone, Milano (2018); “Çmimi Idromeno”, Galeria e Arteve, Shkodër (2017); Mediterranea 18 – Bienalja e Artistëve të Rinj, Tiranë (2017); “Balena e cila ishte nëndetëse”, Ludwig Museum, Budapest (2015); “Post Young Albanian Artists”, Museo Pino Pascali, Bari (2013); Onufri XIX. “Ndoshta të ëndërrosh”, Galeria Kombëtare e Arteve, Tiranë (2012).

SOKOL PEÇI u lind në vitin 1984, në Tiranë, ku aktualisht jeton dhe punon. Studjoi për art pamor në Itali, ku u diplomua në Akademinë e Arteve të Bukura në Venezia (2008) dhe mori MA, në Akademinë e Arteve të Bukura në Bologna (2013).  Ndër ekspozitat më të rëndësishme që ka kryer mund të përmendim: “Double Feature #9”, Tirana Art Lab (2017); “T.I.C.A. Rezidenca #7”, Zeta Galeri, Tiranë (2011); “What is Waiting Out There”, Bienalja e 6-të e Berlinit (2010); “Efiçenca simbolike e kornizës”, Bienalja e Tiranës – Projekti satelitor (2009); Onufri XVI. “Dëshira dhe dëshmi”, Galeria Kombëtare e Arteve, Tiranë (2009); Ekspozita e 87 Kolektive, Fondacioni Bevilacqua la Masa, Venecia (2003).

 

Çmimi ARDHJE 2018, është mbështetur nga Ministria e Kulturës së Republikës së ShqipërisëThe Trust for Mutual Understanding – New York,  dhe  Residency Unlimited – New York.

 

 

 

 

 

Lini një Përgjigje